Tuai ma taugata oloa faatau mai fafo

E ono ta ane le Kerisimasi e le tele ni oloa mo faleoloa ona o le faatuai o uta faamomoli atoa ma le taugata ua iai tau o ia auaunaga

Ona o le Koviti o lea ua taofia faigamalaga a vaalele na fesoasoani I nisi o uta faamomoli mo pisinisi, ma ua faalagolago tasi ai I vaa a lalo o loo felauaiina containers

O le mamao ese mai o Niu Sila ma atunuu tetele o loo sau ai le tele o oloa o se tasi o mafuaaga o le faafitauli

Ese mai I lea o lea ua faalimaina le tau masani sa totogi e pisinisi mo a latou containers e pei ona amatamea ai se tasi o kamupani vaa I totonu o Saina

Ua iai le talitonuga o se faiga o le a mulimulitaia e isi kamupani vaa o loo sau ai le tele o oloa mai fafo a Niu Sila, ma I ripoti o lea o loo selesele ai polofiti a ia pisinisi

Ese mai I le vaavaai I fafo, o le faatuai foi ona kilia o vaa lauoloa I le uafu I Aukilani o se tasi lea o itu ua faaopoopo I le faafitauli

O le faatuai atoa ai ma le sii I luga o tau o le auina mai o oloa mai fafo e le taumate le aafia ai o le tau o le tele o oloa o loo faatauina I totonu o Niu Sila

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required