I totonu o le lua tausaga ua amata ona totogi e tagata Aukilani e faaaogāina motorways i taimi pisi o feoaiga.

O le aso ananafi na fono ai le komiti a le Council o loo gafa ma feoaiga i luga o alatetele ma o lea ua uma ona faapalota le faia o se kulupu latou te vaaia le taimi e amata ai le totogiina o user charges.

O le 2025 lea ua vaavaai iai, ma o le tau o loo manao iai le pulenuu ia Wayne o le va o le $3.50 ma le $5 mo le taavale e faaaogāina le State Highway 1 i le va o Penrose ma Greenlane, faapea ma le State Highway 16 i le va o Lincoln Road ma Te Atatu Road.

Fai mai le Auckland Council ua moomia le totogi o feoaiga nei, se’i tau fesoasoani ai i le poloka tele o auala a Aukilani.

E lē o tagata uma foi o loo auai i le fuafuaga, ona o le fesili pe a faafefea nei tagata e matuai leai lava se mafai e fetuunai ai taimi o faigamalaga ona e na o le pau lea o taimi e talafeagai ma i latou, o taimi nei e pisi ai auala.

Mai le councillor Josephine Bartley, o se fuafuaga e tatau ona toe suesue atili ona o le toatele o tagata o loo omai e galulue i le taulaga o i latou nei e maualalalo totogi toe lē mafai foi ona fetuunai taimi amata ma taimi mānava, a o nisi e lē mafai lava ona faigaluega atu i le fale.