O le a le toe paka fua taavale leoleo savili I kapaka o loo mita a le council I Ueligitone, pe afai e le o faanatinati I se faalavelave faafuasei
O lea sa iai le faatagana faapitoa e mafai ai e taavale savili e le o faailogaina ona paka e le totogia, seia oo mai ai ia Fepuari talu ai ma sui ai le mafaufau o le council ua tatau ona totogi
I se molimau a le sooupu o le council o lenei suiga o le toe iloilo o aiaiga faavae mo pakaga, o loo tauaofia ai ma le sa ona paka I luga o auala savali poo footpath
E le gata I lea ae o se itu foi o le a laugatasia ma fiafia ai ma faleoloa faapea pisinisi I le taulaga pisi o Ueligitone
O se faaiuga e le o aveesea ai le faatagana faapitoa mo taimi o faalavelave faafuasei ma o loo faaaogaina taavale leoleo o loo faailoga
Ae mo leoleo e ui I lea faaiuga, ua faamautinoa mai foi o le a le sau mai lana taga lea peimeni, a’o le ofisa
