E to’alua alii o loo i le falema’i pea ina ua taavalevale se pasi e lata i Rotorua i le taeao o le Aso Sa na te’a nei ma o loo faia pea le su’esu’ega.
Fai mai le RNZ Pacific pe 30 tagata faigaluega faavaitaimi mai Tonga na iai i luga o le pasi, o le to’atele o i latou ia e mai le motu o Foa i Haapai ma faato’ā taunuu mai i Aukilani i le taimi lea.
Ta’ua i le lipoti o le to’atele o le pasese a le pasi e le’i faia ni fusipa’u.
O le tulafono i Niu Sila o soo se tagata e 15 tausaga ma sili atu e tatau ona fai fusipa’u i taavale e faimalaga ai ae le apalai le tulafono lea i pasi.
O loo faaauau pea le su’esu’ega i lenei faalavelave ae ua ta’ua na asia foi e le Palemia o Tonga alii ia e to’alua i le falema’i o loo taofia ai.
Puna o Faamatalaga: https://www.rnz.co.nz/international/pacific-news/533112/two-rse-workers-remain-in-hospital
