Ua folafola mai e le Transport for NSW o le solo tetee lea sa fuafua mo le aso a taeao ua toe tolopo ina ua iai se maliega ua taunuu iai talanoaga ma le Iuni ina ia faaauau le auaunaga e pei ona masani ai mo le aso a taeao.

O le Iuni o loo tula’i mo le Rail, Tram ma Pasi sa faatulaga le latou solo tetee mo le fā aso e amata a taeao aga’i atu i le Aso Sa a o faatalia ai feutana’iga na faia ma le faigamalo a NSW.

Peitai la o le te’a o le ‘afa o le 5 i le afiafi ananafi na malilie ai o le a faaauau pea auaunaga e pei ona masani ai mo taeao e aofia ai ma fuafuaga o ni malaga faaopoopo i le Olympic Park mo le Pearl Jam Concert o le a faia ai ae ua toe faatulaga la le solo tetee e alu i le Aso Faraile aga’i i le taeao o le Aso Sa ma o le a tapunia ai vaega o femalagaa’iga i trains.

O le asō foi e lē taumate o loo iai faigamalaga o loo aafia i nisi solo tetee o loo faia, ma malaga ua faalēaogāina.

Fai mai le Transport for NSW o le a mātele ina aafia ai tagata e faimalaga aga’i i Newcastle ma le Central Coast, Blue Mountains, Southern Highlands ma le Illawarra.

Puna o Faamatalaga: https://www.9news.com.au/national/sydney-rail-strike-agreement-will-see-trains-run-on-thursday-including-pearl-jam-services/badd8f67-8f31-4b7e-ba56-9c2f0de547c7