Parliament

Tolopō le fono a le Palemene

Ua lē taunuu le fono faaauau a le Palemene i le amataga o lenei vaiaso ona o le tapunia ai pea o le atunuu ma le faamamalu ai o puipuiga ua iai nei le atunuu. 

Ua faailoa e le afioga i le Fofoga Fetalai Papalii Li’o Taeu Masepau i se faasilasilaga faalauaitele o le a toe logoina sui mamalu o le fono aoao faitulafono i se aso e toe faaauau ai le fono usu a le atunuu pe a maua se finagalo o le malo  i puipuiga o Samoa mai le faama’i. 

Na tolopo mai le palemene mai le Aso Faraile ua mavae ae e le’i maea ona talanoaina le talanoaina o le tala faaaopoopo o le tupe ma e le’o toe toatele ni sui faipule e saunoa i le tala faaopoopo. 

O le toatele o nisi sui faipule ua maea a latou saunoaga faataupou ua faailoa manaoga a latou itumalo faapalota i vaega e manaomia pe tatau ona toe faaleleia mo le nofo soagalemu ai o tagata lautele. 

Scroll to Top

Keep uptodate with Radio Samoa activity & promotion

* indicates required