Tolopo le agai mai o isi alii faifaiva

Ua toe tuu atu I tua le aso e faimalaga mai ai le isi vaega o le aumalaga o alii faifaiva Lusia ma Ukraine pe a mo le isi fitu aso

O se suiga ua faia lea ona o siaki faaauau o loo faia nei lava mo le isi vaega o lea aumalaga na muamua mai, lea o loo faanofoesea I Kalaiesetete

O le aso lea e atoa iai le 12 aso o faia pea siaki faaauau o I latou nei o loo faanofoesea, tusa lea ma le 235

O le isi vaega o lenei aumalaga o loo fuafua e agai mai, ua maea faailoa iai tuutuuga e le mafai na tuua atunuu o loo faimalaga mai ai pe a le negative o latou siaki o le Koviti

O le amataga o le vaiaso fou na fuafua e toai taunuu mai ai I NZ nei ma e faanofoesea uma foi I le faletalimalo lava e tasi lea o loo iai nei le isi vaega na muamua mai, peitai e foliga mai ua le taunuu uma lea ona e le I iloga lava ona mautinoa le saogalemu o I latou na muamua mai.

 O nei alii faifaiva mai Lusia ma Ukraine, o loo faatupeina uma e kamupani faifaiva tetele e tolu I totonu o NZ lo latou agai mai ma le faanofoesea aua lava le fagotaina o le gataifale mo le faaolaolaina pea o nei pisinisi

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required