Ua pu’e e leoleo se tasi tagata tetee, protestor ina ua feta’ua’ina lona togiina o se fuamoa i le Premier o Kuiniselani a o faia se savali.

Ua ta’ua i lipoti o le savali na faia i Brisbane na faamanatu ai le Labour Day ma tagata faigaluega ma iuni sa auai ai ma le Premier, Steven Miles.

E eseese finagalo faaalia o tagata i le mataupu i galuega amies totogi, ma sa filogia ai foi ma nisi e lagolago ia Palesitina sa taumafai e faailoa i le Premier le latou finau.

O se tamaitai ua lipotia na ia togiina le fuamoa i le Premier ae na misi ma pu’e ai loa e leoleo.

O nisi finau sa faaleo ai lagona e faatatau i le tau o le soifuaga ma se fesoasoani a le malo i tagata.

Fai mai leoleo e lei afaina le Premier i le fuamoa na togi ane ae o loo faatalanoa nei le tamaitai na faatinoina lea gaioiga.

Puna o Faamatalaga: https://www.9news.com.au/videos/national/protestor-arrested-for-allegedly-throwing-egg-at-premier/clvurfovl000s0hp8thms5bt4