Na faamanu’alia se alii fuimu a o feagai ai ma le tapeina o se afi na sasao ane i le itu i Sisifo o Sini i le taeao ananafi.
Fai mai lipoti o se fale e le o nofoia na sasao ane ai se afi a o lei tāina le lima i le vaveao ananafi i le faaitu o Merrylands.
E toa 22 le aufaigaluega a le tineimu na agai ane iai i lea faalavelave ma e silia ma le itula na taumafai ai e tape le afi.
Fai mai e feololo manu’aga o le alii fuimu ma sa togafitia ai i lea nofoaga.
Ua pe le afi ae o loo faia suesuega i le mafuaaga.
