Ua tofia e le Kapeneta ananafi le susuga Fagaloa Leti Setto Roy Tufuga e avea ma Ofisa Sili o Pulega o le Ofisa o le Komisi o le Toefuataina o Tulafono le Law Reform.
O Fagaloa sa avea muamua ma Pule o le Pulega o Uafu ma Taulaga i le tausaga 2012 – 2015.
O se alii loia sa aoaoina i le Kolisi o Samoa i le tausaga 1981, o le 1987 na faauuina ai le Iunivesite o Aukilani i le Bachelor of Arts atoa ai ma lona Bachelor of Laws i le 1994.
Ae o le 1997 na faauu ai lona Masters in Law – International Maritime Law Institute.
Ua faaalia e le sooupu a le Malo e toalima i latou na tusi talosaga i le avanoa lea ua filifilia iai le Susuga Fagaloa.
