India Oxygen - Radio Samoa

Toe vave aveese le aisiga a le hai komesina o Niu Sila I Initia

Ua faatoese le hai komesina a Niu Sila o loo I Initia I le malo o Initia e tusa ma lana augani faatopetope mo se fagu okesene na faaliloa I luga o le Twitter

O Initia lea o loo faatetele ma maliliu le faitau afe o tagata I totonu o le aso e tasi ona o le toe sasao faaafi o le Koviti, ma o fagu okesene lea o loo tele ina utiuti le sapalai I le tele o vaega o Initia

E le I umi se taimi na tuu ai I luga ae toe tuu ane I luga ata o le fagu okesene ua momoli I le hai komesina, ma I lalo mai o le afa itula ae ua faitau afe komeni a le toatele

Na toe aveesea ai ma le tweet a le hai komesina ae suia faamatalaga, ua faauiga sese le faasilasilaga, ma ua faatoese ai

Ua fautuaina ai foi e le va I fafo a Initia tagata galulue mai isi atunuu o loo I Initia e aua le faaputua sapalai o oloa taua, aofia ai ma fagu okesene

Ae I Niu Sila nei, ua fesiligia ai e le toatele le minisita o le va I fafo faapea le matagaluega I le uiga o lea faasilasilaga, ae poo a mai foi le hai komesina ma lona ofisa, aemaise o le faaaoga o le Twitter mo nei faasalalauga

Tala a le Herald o loo tali mai ai le sooupu o le matagaluega, o lea faasalalauga na sese ona tuuina I luga o le Twitter, ma ua faatoese ai I le malo o Initia

Ae I nisi o I latou na faaali finagalo I lea tweet, ua toe vave aveese ona o loo faaluma ai le malo o Initia

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required