Search
Potato Salad

Toe valaauina le faafoi ane o le salati pateta a le Countdown ona o le siama o le listeria

Ua valaauina le toe faafoi ane o le oloa ole salati pateta mai le Countdown, le pre packed salad faatauina i ana supamaketi I le atunuu atoa ona o popolega ile siama o le listeria.

Lipotia I le taeao analeila e le Herald o siaki masani sa faia na iloa ai o loo iai le listeria I nisi o salati ia o loo iai faatasi ma le fuamoa ma le bacon ma o le aso e tatau ona taofia ai le toe faaaogaina o le aso 13 o le masina lenei o Iulai.

Ua lapataia ina ia aua nei taumafaina ma lafoai I le lapisi pe afai e le faafoi ane ina mo se refund e pei ona faailoa mai e le NZ Food Safety. Ua valaauina e le supamaketi le faafoi ane o le oloa lea mai faleoloa o le Countdown, Fresh Choice ma faleoloa ole supavalue ile atunuu.

E oo mai ile taimi o talafou e lei maua ane ni lipoti o nisi ua gasegase mai le siama lea I faleoloa ale Countdown poo le ofisa foi o le NZ Food Safety. O le oloa e masani ona faatauina I le 250 kalama ma le 400 kalama o packets ma e le o aafia ai isi ituaiga o salati o loo faatauina o loo iai le brand a le Countdown.

O le siama lea o le listeria e mafai ona ogaoga aafiaga I tina maitaga aemaise foi le au matutua.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required