Search
Search
Photo Credit: Government of Samoa

Toe vaaia pisinisi faleoloa i autafa o le maketi i Fugalei

O le maketi tuai sa i Fugalei lea na tala ese sa tele ai faleoloa laiti sa faatau ai oloa eseese e oo lava i taumafa ma vaiinu suamalie ma iputi kofe ma lauti vevela.

O le maketi fou ua iai nei i Fugalei lea ua maualuga lona tulaga, sa amata e lei toe iai ni faleoloa i autafa, peitai ua ese na taimi ese foi lenei vaitau i fuafuaga a le faalapotopotoga o taui o faalavelave faafuasei ma le Malo, ua toe fausia faleoloa laiti i le itu i Sisifo i tua ane o le nofoaga o loo iai fale’aiga le food court.

Sa iai i lea nofoaga, pisinisi o fale laau sa faatau ai faamiliga o laau tau faatoaga eseese, peitai o lea ua iai nei faleoloa e 13 ua faagaioia ai pisinisi e faatau ai oloa eseese, ma ua iai ma nisi o auaunaga tau pisinisi. 

O le tausaga na tea nei na pasia ai e le komiti faatonu o le faalapotopotoga o taui o faalavelave faafuasei le fausia o ia faleoloa laiti, e pei ona faailoa e le taitai o le Malo i le tatalaina o lea galuega i le vaiaso nei.

Le taitai o le Malo afioga i le tamaitai Palemia, Afioga Fiame Dr Naomi Mataafa i le saunoaga na tatala aloaia ai ia pisinisi laiti ma sa pueina e le auaunaga faasalalau a le Malo.

O le vaega i totonu o le maketi i Fugalei o loo iai nisi o pisinisi laiti e aofia ai poloka o loo faatau ai oloa o galuega taulima ma lavalava.

Tala sili ona faitaulia

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required