Fiafia le NZ Rugby ina ua vaaia le siitia o le aofai o tagata maimoa ua agai atu i nofoaga o taaloga e tapuaia le taamilosaga o le Super Rugby Pacific i lenei tausaga.
O le asō sa faailoa mai ai faamaumauga o tagata matamata i taaloga ma ua iloa ai ua 11 pasene ua siitia ai i le atunuu pe a faatusa atu i le taimi faapenei i le tausaga ua tuanai.
Ua faailoa e le Ofisa Sili o le NZ Rugby, Mark Robinson o le sologa lelei foi o nisi o mea fou ua faaopoopo i le faagaioiga o le taaloga ua mafua ai, mea e pei o le faia o le shot clock ma suiga i le TMO ua faaitiitia le faalavelavegia ai o le taaloga, ua mafua ai ona toatele ua fiafia e toe agai mo maimoaga.
O le isi taaloga na matuai oso maualuga ai le aofai o le aumaimoa o le fetauiga a le Chiefs ma le Crusaders i le aso 29 o Mati na oo atu i le 482 afe tagata matamata i Kalaiesetete.
Puna o Faamatalaga: https://www.newshub.co.nz/home/sport/2024/05/nz-rugby-savours-significant-increase-in-super-rugby-pacific-viewership.html
