O le aso ua amata faasolo ai le faamasinoga o Rena Maloney lea o loo fetauaina sa ia faaoolima I lana paaga ile faaiuga o le tausaga na tea nei ma tanuina o ia i tuafale o lo la fale sa aumau ai I Kalaiesetete.
O loo faailoa mai foi ise lipoti mai le stuff na maua le tino o le na maliu o Martin Orme Berry I lona fale I Main North Rd I Papanui I le maea ai ona valaau ane se tamaitai oloo talitonuina o Maloney, valaau I leoleo ma faailoa iai le nofoaga o loo tanuina ai Berry.
O Maloney e iloa foi I leisi ona faaiu o Joyce na molia I le fasioti tagata I le vaiaso nei mae lei iai sana tali na faia I le moliaga, sa matele lava ina fifilemu sei vagana ua tuuina atu se fesili ale faamasino.
O lea ua toe taofia e leoleo ma ua faatulaga e tulai I le faamasinoga maualuga I Kalaiesetete I le aso 4 oFepuari. E 55 tausaga o le tamaitai o loo molia ae 55 foi tausaga o le ua maliu e talitonuina o le aso 29 o Tesema tausaga talu ai na tupu ai le faalavelave.
O loo faagasolo nei suesuega I lenei faalavelave ae I nisi o faamaumauga tau fale o loo taua ai na faatau e le ua maliu le fale sa nonofo ai I le 2002 ae le o mailoa poo le a tonu le taimi na mafuta ai ma le ua molia lea e faapea sa aumau muamua I Manawatu
