Search
Jeremy Dodson

Toe taumafai Jeremy Dodson i taaloga a le Pasefika mo Samoa

O loo ua faamautu nei le alii tamoe ia Jeremy Dodson i le nofoaga autu o loo api ai le ‘au a le atunuu a o feagai ai ma taaloga a le Pasefika i Solomona.

O Dodson o se tasi lea o alo a Samoa o loo aumau i atunuu mamao ma ua tele foi lona sao i le tauaveina lea o le tagavai a le atunuu e lē gata i taaloga a le Pasefika ae o ana taumafaiga i nisi o taaloga afeleti i atunuu mamao.

Na ia faailoa ai lona toe auai ai e tauva i lenei faagatama i Solomona e tauaveina ai le igoa o le atunuu.

“O le loto lava mo le auafeleti ma le ‘au atoa a le atunuu ua afua ai le malaga mai i taaloga o le Pasefika i lenei tausaga, o se faamanatu tāua foi lea ia te au e tāua lava lo’u sao mo lo’u atunuu.”

E pei ona tauva ai o Dodson i taaloga a le Pasefika i le 2019 lea na talimalo ai Samoa na ia maua ai le pine siliva i le vaega o le 100mita a alii.

“O taaloga a le Pasefika na mae’a nei e telē lava se faanoanoaga ma lagona o le maasiasi i tulaga o le taumafai ona sa tulaga faaletonu i le tino i taaloga a le Oceania.”

E ui i lona naunau i lenei taaloga afeleti ae peitai o le tulaga i lona soifua maloloina na ia faailoa ai.

“O le tulaga i taaloga o le Pasefika lea o le a faagasolo i le vaiaso fou o le naunautaiga ia fai se sao mo Samoa ma o se taimi foi e ao ai ona ou malolo mai lenei faagatama.

“O loo iai le lē atoatoa o le malosi o le tino ona o nisi o tulaga i le soifua maloloina.

“Ou te iloa e iai lava tauvaga o le a lē mafai ona ou toe auai ai e pei o le Olimipeka ma nisi o tauvaga i le lalolagi.

“Ua lē atoatoa le malosi i le tino talu mai le 20 tausaga o o’u tauaveina ai le igoa o Samoa aemaise o Amerika i tauvaga tetele.”

Na amata mai i le tausaga 2019 sa faatino ai chemotherapy i se tasi o gasegase o loo feagai ma Dodson ma na ia ta’ua ai ua oo i se tulaga faigata.

“O le ala lea o le a toe taumafai tasi ai lava a o maua lenei malosi ma le faamoemoega ia tau lau ma ia manuia, o le tali lea i le agalelei o si o’u atunuu pele o Samoa e ala i lana tapuaiga.”

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required