Ua faaopoopo le lisi o atunuu ua faataga e Singapore e mafai ona ulufale atu e aunoa ma le faanofoesea

O le masina talu ai na amata faamama ai tapu a Singapore ma faataga tagata ua uma tui mai Siamani ma Brunei, peitai o lea ua sau le isi faaopoopoga ma ua iai pasese mai Amerika, Kanata, Peretania, Denmark, Farani, Italia , Spain ma Netherlands

I tala mai atunuu mamao o loo molimau ai le kamupani vaalele a le Singapore Airlines o le Aso Lua o le vaiaso nei e amata taunuu atu ai pasese I lalo o le polokame fou ua faailoa mai

O Singapore ua 21 masina o tapunia ona tuaoi ona o le Koviti ma o le amataga o le masina nei na faailoa ai e le palemia o lea malo o le a le toe lock down ma tapunia tuaoi o Singapore

O le aso 19 o le masina lenei o Oketopa ua aloaia ai lea polokalame fou a Singapore mo atunuu e 10 ua faataga mai, ma e na o pasese ua uma tui e lua o le Koviti atoa ai ma le faamalieina o siaki o le Koviti o loo mafai ona ulufale I Singapore