N-95

Toe tatala le sa a Kuiniselani ae faamalosia pea mask

E ui o le a toe tatala le sa sa feagai ma tagata Kuiniselani mo le tolu aso mai le faaiuga o le vaiaso, e tatala I le aso peitai ua faailoa mai o le a faaauau pea le faamalosia o le faia o talifofoga poo masks mo leisi 10 aso.

Ole faaaliga lata mai lea a le premier o Kuiniselani Annastacia Palaschu ile aso mo tagata I greater Brisbane. E ao ona faia le mask I totonu o fale faapea taulaga faatau ma supamaketi, gyms, falemai, malae vaalele, nofoaga mo tagata matutua, falefaigaluega ma nofoaga o loo tumutumu ai tagata pei o falesa,faletusi ma nofoaga faitele.

E le manomia se mask i nofoaga I fafo ae ia faamautinoa pea le va social distancing aemaise foi I totonu o taavale ma le faia o faamalositino, Peitai e tatau lava ona e fealuai ma lau mask I soo se taimi. O ia sa ua aofia ai pitonuu ole Brisbane City Council, Redland, Ipswich, Moreton Bay ma Logan City lea foi e toatele o tatou tagata e aumau ai,

I isi lipoti mai Niu Sau Uelese ua aveesea mai I latou sa I le vaega o le emergency a le falemai I Mt Druitt I Sini ina ua faamaonia le aafia ose gasegase I le koviti 19. Faamatalaga mai se sooupu a le Western Sydney Local Health District ua taua ai ole tagata ua aafia I le koviti na auina atu I le emergency a le falemai I le aso toonai na tea nei.

Na faia le siaki ma aveina atu ai ise nofoaga faapitoa mo le faamai e talia ai le iuga o le siaki peitai o le aso ananafi na faamaonia ai o loo aafia I le koviti ma auina atu ai loa I le falemai I Westmead mo togafitiga ae faia le galuega o le faamamaina o le emergency.Fautuaina ai ma gasegase ia agai I isi falemai lalata ane ao faatino le faamamaina o le nofoaga.

LAUILOA

Keep uptodate with Radio Samoa activity & promotion

* indicates required