O le tasi alii e toalua iai I laua o loo aofia I le mataupu a le NZ First Foundations donations case ua faila nei lana apili ile faamasinoga maualuga ina ia toe finauina ai le taofia o le faalauiloaina faalauaitele o lona suafa.
O I laua e toalua o loo aofia I le mataupu o loo fetauaina sa o la teuina le silia ma le 740 afe o tupe I totonu o se account a le NZ First Foundation ma sa molia ai e le Serious Fraud Office ile masina o Setema ole tausaga nei.
O nisi o ofisa faasalalau e aofia ai ma le Stuff sa o latou taumafai e faailoa I laua ua tuuaia peitai e ui ile faagasolo pea o taualumaga o le mataupu I le faamasinoga faaitumalo ma le faamasinoga maualuga ae e lei faamanuiaina le talosaga.
Ole fa’aauauina o le taofia o le faalauiloa o igoa na tetee iai le Serious Fraud office faapea foi ma le loia o Robert Stewart sa tulai mo le au faasalalau. Ile faamasinoga ile masina na tea atu nei na faailoa ai e le loia a le na talosaga, lona tuuaia o le Serious Fraud Office ma le au faasalalau ile liliuina o le mataupu ile faapolokiki.Fai mai le loia o loo tulai mo le au faasalalau Robert Stewart, o le vaega faaupufai lava a le NZ First ua ia faia lea tulaga e ala ile taumafai e taofia le faalauiloaina o moliaga.
O foai e pei ona fetauaina e lei faailoaina I le pati ae o loo fetauaina ile lipoti sa faaaoga e totogi ai expenses a le vaega faaupufai e ui e le o faamaonia ia faamatalaga I le taimi nei.
