Kris Faafoi
Kris Faafoi

Toe talia tagata sulufai omai I totonu o Niu Sila

O le masina nei o le a taunuu mai ai le vaega muamua o tagata sulufai I lalo o le polokalame o loo aumai ai tagata sulufai I totonu o Niu Sila

O lea ua faailoa mai e le Immigration a Niu Sila, ua toe amata e le malo e pei ona taofia ai mai le tausaga ua te’a ona o le Koviti

O le taunuu mai ai o nei tagata sulufai o le a agai e faanofoesea muamua mo le 14 aso, ae e le I agai atu I le nofoaga I Magele o loo ogatotonu iai le fetuunaiga o fale ma nofoaga I soo se vaega o le atunuu o le a o e nonofo ai

E 35 I latou o le a muamua mai I le masina lenei, fuafua e tatau ona oo atu I le faaiuga o Iuni o le tausaga nei ua omai uma le tusa ma le 210 o I latou

O le sau o lea faamaoniga I le faaiuga o le vaiaso talu ai, o le faatoa uma ai foi lea ona faailoa e le peresetene fou o Amerika, Joe Biden, le sainiga o le tulafono e toe faataga ai le toatele o tagata sulufai e o atu I totonu o Amerika

Ae mai le minisita o le Immigration a Niu Sila lava ia, Kris Faafoi, o le toe talia o tagata sulufai e agai mai, o loo atagia mai ai pea le malosi o le fesoasoani a Niu Sila mo aiga o loo pagatia I isi vaega o le lalolagi O Iulai o le tausaga faatoa uma atu, na sii ai I le 1500 le quota o loo aumai ai tagata sulufai I totonu o Niu Sila, peitai e foliga mai o le a le ausia lea fuainumera

LAUILOA

Keep uptodate with Radio Samoa activity & promotion

* indicates required