Toe suia aso mo faigapalota laiti

Ua toe iai nei se suiga i aso o tapenaga o palota laiti o itumalo faapalota e 7 e pei ona sa faalauiloa muamua mai e le Komesina o Faigapalota i le Aso Lulu o lenei vaiaso. 

O le toe faia o fesuiaiga i aso o loo aumai i se faasilasilaga mai le Ofisa o le Komisi o faigapalota e aunoa ma le faailoaina o ni mafuaaga ua toe faia ai ia suiga. 

O lea ua faailoa e le Ofisa o le Komisi o Faigapalota o le Aso 1- 5 o le masina o Novema e faaulu ai suafa o sui faatūtū mo le palota laititi ae o lona Aso 24 e faia ai le palota muamua ma le Aso 26 o le masina lava o Novema o le a faia ai loa faigapalota laiti.

E pei ona silafia o lenei faamoemoe ma ripotia muamua mai o le a faataunuu i le Aso 12 o Novema peitai o lea ua toe tuu mai suiga fou.

E le’o faailoaina i le faasilasilaga poo le a le aso o le a toe avanoa ai ona faaui i tua se suafa o se sui tauva ae o lea ua molimauina i luga o upega tafailagi faapea foi fesootaiga televavave e pei o le Facebook ua amata ona faalauiloa sui tauva o vaega faaupufai taitasi, le HRPP faapea le FAST.

O se taimi o i luma o faailoa aloaia mai lea o sui tauva o le a tamomoe i le faigapalota laititi mo itumalo faapalota e 7 i le masina fou.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required