Ua lē o toe Waka Kotahi NZ Transport ae o le a NZ Transport Waka Kotahi, o le suiga lea ua lipotia mai i le asō ma e foliga o latou le uluai ofisa o le malo ua muamua aveese le igoa Maoli pe suia foi ae tuu iai le faaperetania. 

O le maliega i le va o le faigamalo soofaatasi, le National ma le NZ First e aofia ai ma le manaomia ona faatumauina i le faaperetania o igoa o auaunaga lautele se’i vagana auaunaga e patino lava i tagata Maoli.

Ta’ua e le Herald sa upuia e le Sui Palemia ma o le taitai foi o le NZ First, Winston Peters le faaaogā o igoa Maoli i matagaluega a le malo ma ia ta’ua ai o tulaga tau fesootaiga e faatatau i le malamalamaga i mea.

Fai mai Peters o se faataitaiga, e faapefea ona ave le upu waka poo le vaa i le faasamoa, i luga o le alatele lea e patino iai le auaunaga a le NZ transport.

Saunoa le minisita o felauaiga Simeon Brown ua fiafia i le NZTA ma le fuafuaga ua faatino fua i faiga faavae a le faigamalo.