O le asō ua tuuina mai ai le faaiuga a le faamasinoga o Apili e faatatau i talavou e toatolu ua faamaonia solitulafono o le fasioti tagata ma toe apiliina ai lea faaiuga. 

O Christopher James Brown, Georgia Rose Dickey ma Katrina Roma Epiha ua faaitiitia nei o latou faasalaga i le faaiuga ua faia mai e le faamasinoga o apili.

O Brown ma Dickey na faamaonia moliaga i le fasiotia o Jack McAllister i le 2017 ae o le taimi lea e 19 tausaga o Brown ma Dickey e 16 ae 19 tausaga o lē na maliu. 

O Epiha sa 18 tausaga i le taimi lea ma sa ia faaoo le oti ia Alicia Nathan i se pati sa faia i se fale i Kalaiesetete i le 2017.

O le faaiuga la ua tuuina mai ua suia ai o latou faasalaga sa tuuina iai muamua e soloatoa ai i le falepuipui, o Dickey 15 tausaga, Brown e 12 tausaga e falepuipui ai ma Epiha e 13 tausaga le faasalaga.