Ua maitauina le toe oso maualuga o le aofa’i o tagata ua faamaonia le aafia i le koviti 19 i faamaumauga tuuina mai mai le matagaluega o le soifua maloloina i le aso i le lipoti masani o le koviti.
O faamaumauga faamauina i le 24 itula talu ai ua faailoa ai e 8,028 tagata ua faamaonia le aafia i le faama’i i totonu o le piliota lea e aofia ai ma le to’a 16 ua maliliu e aofia ai se tagata e i le va o le 10 ma le 19 tausaga le matua.
E 383 gasegase o le koviti o loo faataotolia i maota gasegase e aofia ai ma le to’afitu o loo i potu tigaina. O le to’a 16 ua maliliu na faamauina i totonu o le fitu aso talu ai ma e aofia ai ma le to’atasi ei le va o le 10-19 tausaga le matua, to’atolu e ta’i 70 ma ona tupu tausaga le matutua, to’aono ei le ta’i 80 tausaga ma le isi to’aono e ta’i 90 tausaga ma sili atu.
O ananafi e 5,549 i latou na faamaonia o lona uiga ua silia ma le 2 afe ua faaopoopo ai le aofa’i o tagata aafia i le faama’i i totonu o le 24 itula.
