Toe sii rates atoa ai ma tagata faigaluega vāea lea o loo vaavaai iai le pulenuu o Aukilani, Wayne Brown a o tau faasoasoa ma fetuunai tupe a le Council.
O le amataga o le tausaga lenei na sii ai i le 7.7% rates mo Aukilani, peitai o lea ua toe vaavaai o le a tuu i luga i le 13.75% i le tausaga fou.
O le saunoaga a le pulenuu e le gata i rates e sii ae ua tatau foi ona faaitiitia avanoa faigaluega ofisa o loo iai nei.
O se faatonuga mai le pulenuu ua tatau i le Auckland Council ona taofi le faama’umau tupe ae vaavaai i nisi auala taugofie ma sili atu.
O ni fuafuaga ua faailoa mai ai ananafi a o tālia le faalauiloa mai i le vaiaso nei o le paketi 10 tausaga a le pulenuu, poo le paketi o le a talanoaina ma councillors a o lei sau i tua mo faatalanoaga ma tagata lautele.
