Search
Photo Credit: Government of Samoa

Toe sainia le maliega faapaaga ma Niu Sila 2024-2027

O le faigamalaga a le Alii Sui Palemia o le malo o Niu Sila i le faaiuga o le vaiaso ua mavae le Afioga ia Vaovasamanaia Winston Peters faapea le Minisita o le Soifua Maloloina ia Dr Shane Reti ua lē gata o se misiona a lea malo i le Pasefika ae na saunoa le Tamaitai Palemia ia Fiame Naomi Mata’afa o se avanoa lelei lenei mo lo tatou malo faapea Niu Sila e toe faafou ai sootaga, fefaasoaaiga o finagalo, talanoaga i galuega faapaaga a malo e lua o loo faatino i le taimi nei ma nisi fuafuaga o le lumanai.

Aemaise o se faasoa i mataupu tāua faaitulagi.

Sa faapea ona faamanatu i se taumafataga afiafi le Waitangi Day, ma faailoa e le Tamaitai Palemia o Samoa i lana lauga i lea faatasiga, o loo tausi pea Samoa i le Feagaiga Faaleuo ma Niu Sila lea ua atoa le 62 tausaga.

Na faailoa le sao tāua o le polokalame o tagata faigaluega faavaitaimi, e lē gata ua manuia ai aiga i Samoa nei ae o loo fesoasoani atu foi i le faatupulaia o le tamaoaiga o Niu Sila.

Na faamanino e Fiame o le a taulai le vaai a malo e lua i fuafuaga uma o loo auai ai Samoa, o le sootaga vavalalata a malo e lua e ala i le itu tau soifua maloloina, o aoaoga, o turisi, taaloga, o faalapotopotoga tuma’oti, atinae ma fesoasoani tau tupe, ma i lea itu e fiafia ai Samoa e sainia le maliega faapaaga ma Niu Sila 2024-2027.

O faiga faapaaga o fesoasoani tau tupe mo suiga ogaoga o le tau lea o loo tali atu ai i mea e ao ona faamuamua atoa ai ma iugafono o le COP28.

Na talia i le agaga fiafia o Samoa e ala i le saunoaga a le Tamaitai Palemia le sao o lea atunuu o loo fesoasoani mai ai i tapenaga o le fono a ulu o malo o le Taupulega ia Oketopa.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required