Ua faalauiloa mai nei le toe saini o le alii o Julian Savea e faaauau ai ona taalo mo le ‘au a le Moana Pasifika.  

I se pepa o faamatalaga mai le Moana Pasifika na faailo ai lea tala fiafia.

Na ta’ua e le kalapu ma le pulega le mata’ina o taumafaiga a le alii o Savea talu ona taalo mo le Moana Pasifika, e pei ona faaalia ai le tulaga o le taalo a Julian, e faapea o le alii lenei e maualuga tulaga i le Moana i le itu tau “post contact meters” lea e faamauina e 302.4 le aofai, ma o se tama taalo ua faamauina o sē e lona lua i le faatulagaga, o le ‘au e maoa’e ma umi minute e taalo ai i se taaloga mai le ‘au atoa.

Faaalia e Julian lona fiafia tele i lona toe maua ai o lea avanoa, ma ia ta’ua ai lona naunautaiga e faaauau ai le tautua ma atia’e le Moana Pasifika.

Na faasoa le faiaogaulu o le ‘au ia Taga Umaga, o Julian o se tasi ua telē lona sao mo le kalapu, ma na faaopoopo Umaga, i lona fiafia ai i le toe auai o Savea i le ‘au.  

I se talaaga o lea alii, o Julian ua 33 tausaga o le soifua, ma ua 54 taaloga poo test matches mo le ‘au tele o le All Blacks ua taalo ai o ia, ma o se siamupini o le Taamilosaga o le Ipu o le Lalolagi i le tausaga 2015, o se tagata siamupini mo le ‘au o le Hurricanes i le taamilosaga o le Super Rugby, ma o sē e lona lua i le faatulagaga o sui taaalo o le Super Rugby e tele ana sikoa (62).

O Julian Savea o se tamafanau a Samoa. 

Puna o Faamatalaga: Moana Pasifika Media Release