Aaron Smith

Toe Saini Smith ile NZ Rugby

Ua toe saini le afa lauiloa a le All Blacks Aaron Smith I le NZRugby I lana konekarate fou ua iai nei. O lona uiga o le a toe taalo ile Highlanders ma Manawatu.

Fai mai Smith o lana faaiuga ua faia e fua I nisi o tulaga ae o lona fiafia I le taaloga o se mafuaaga autu lea ole faaiuga. Na ia faaalia o le a galue malosi e sili atu nai lo le tausaga talu ai, mae tasi le mea o loo tumau pea mo ia o lona alofa I le au a le atunuu le All Blacks , lana kalapu le highlanders ma le au a Manawatu.

Fai mai Smith pei ona lipotia I le televise 1 o ia ma lona toalua e iai le la pisinisi I Dunedin ma ola ane ai foi si ona atalii.

Ole faaiuga o le vaiaso na taalo ai I lana taaloga lona 151 mo le Highlanders ma ua atoa le 97 o ana taaloga I le All Blacks.

Saunoa le faiaoga o le au Tony Brown ua fiafia I le faaiuga a Smith e toe taalo mo le kalapu ma o lana taitaiga ma le silafia I le taaloga e taua tele I le atinaeina o le kalapu. O Smith ua 32 tausaga o lona soifua.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required