O lea ua toe amata faaaoga le Bluetooth lea e o faatasi ma le Covid-Tracer app a Niu Sila

Lua vaiaso lea na malolo ai le Bluetooth e tusa ma tala mai le soifua maloloina, ma e tele lava mafuaaga

E le I mafai e le tekonolosi o loo sau ma le Bluetooth ona iloilo le lamatia o le pepesi I tua I le komiuniti atoa ai ma le toaititi o tagata latou te faaaogaina

O le Bluetooth foi o se faaopoopoga na faia e fesoasoani I le tracing app ae le suitulaga

O lea na fesiligia e le sooupu o le Koviti a le National Chris Bishop faapea le taitai o le ACT David Seymour le mafuaaga o le le toe ola o le Bluetooth o loo faifai mea faatasi ma le tracer app

I se tali a le minisita o le Koviti Chris Hipkins I le maota ananafi, o loo suesue uma lava faamaumauga maua mai le Bluetooth faapea le tracing app ma saili ai poo le fea e faamoemoeina faamatalaga o loo maua ai faatatau I cases I tua I le komiuniti

Foliga mai ai o lea na taofia tonu lava le Bluetooth I le taimi na amata faia mai ai tapu a Niu Sila atoa