O le asō lea e folasia mai ai le tala faatatau o le Tupe a le atunuu ma e talitonu le toatele o i latou e pei o tamaiti aoga, i latou o loo maua penefiti ma le au totogi lafoga o le a ono penefiti mai lea Tala o le Tupe.
Ua fuafua o le a saunoa iai le teutupe o Jim Chalmers i le afiafi nanei ae o loo nofo tapuai pea le toatele ma talitali pe iai ni vaega o lea paketi mo se faamāmā avega.
Sa feta’ua’ina mai vaiaso ua te’a o le a siitia foi le penefiti aemaise i le au penisiona, aemaise le fesoasoani i tamaiti aoga ia latou nonogatupe faatasi ai ma i latou o loo saili galuega.
Fai mai le teutupe o le a manino uma ia tulaga i se taimi e lē o toe mamao.
Puna o Faamatalaga: https://www.9news.com.au/national/federal-budget-2024-cost-of-living-relief-what-to-expect-anthony-albanese-jim-chalmers-explained/96f5bc56-71c3-4013-ac85-80c403f26953
