Search
Search
Photo Credit: Stuff

Toe o ni nai mita taunuu i le fale ae lavea loa i le taavale ma maliu ai

Fai mai toe o ni nai mita taunuu si alii loia o Mitch East i lona fale ae lavea loa i le taavale ua uma ai lava ma lona soifua i le vaiaso nei i Tamarama e lata i Bondi.

Na faamatala e le 9News o si alii loia 28 tausaga na maua atu ua manu’a tigaina i Fletcher St i le lata i le fā i le vaveao o le Aso Sa na tea nei, lavea i le taavale e lei tu ane i le taimi na tupu ai le faalavelave.

E ui i galuega laveai peitai e lei manuia.

O tuaoi na o latou faamatala le faalogoina o se pa’ō leotele ane ma le ee o se alarm taavale i le taimi tonu lea na lipotia ai le faalavelave.

O lea e lei maua le avetaavale ae ua faamatuu mai e leoleo ni ata mai le CCTV o iloa atu ai se taavale o le ituaiga o le SUV lanu paepae ma o loo sailia ai se fesoasoani a le atunuu lautele.

Fai mai o lē ua maliu na soifua ane i Niu Sila ma aoga i le iunivesite i Harvard i Amerika ma e lei leva ona me’i mai i Ausetalia.

Ta’ua e ana uo o se tagata atamai tele ma ua faaoo faamaisega i si ana paaga ma mātua ma aiga ma o Mitch o se tasi sa galue i le komisi suesue sa faia le suesuega o le osofaiga faatupu faalavelave i Kalaiesetete i le 2020.

O loo faia pea le suesuega a leoleo.

Tala sili ona faitaulia

FAATALATALANOAGA

TALA FOU MAI SAMOA

SAMOA UPDATE

PODCAST

Listen on

POLOKALAME A LEOLEO

Keep uptodate with Radio Samoa activity & promotion

* indicates required