Ua sau le lipoti lata mai o tagata o loo faalagolago i penefiti ma iloa ai o lea lava e to’atele, ma o se tala mai le malo o loo matua’i moomia le toe silasila toto’a iai.
Iloiloga nei a le matagaluega a le Social Development lea o loo faaaogā ai faamaumauga se’ia oo mai ia Setema o le 2023, ma o loo iloa ai o i latou ua pau mai le 13.6 tausaga i le 13.4 tausaga le umi o loo nonofo ai tagata i penefiti.
A faatusa lea i le 10.7 tausaga na iai i le 2017, poo le tausaga mulimuli na tum ai ai le National o lea o loo iloa ai le to’atele o tagata faalagolago i penefiti nei ma ua moomia ai le unai o tagata e faigaluega.
Saunoaga nei a le minisita o le Social Development Louise Upston.
O lipoti foi nei a le matagaluega o loo sau ai, ua alu i luga le fuainumera o tagata e faalagolago i penefiti, peitai e lē o faate’ia ai pe a fua i le lipoti a le vaega o tupe lea o loo sau ai le vaivai o le tamaoaiga.
O le amataga o le tausaga na faia ai e le malo tulafono fou ma faaopoopo faasalaga i tagata e lē faamalieina aiaiga o loo maua ai penefiti, peitai o faamaumauga ua toe sau nei i tua ua toe fai mai ai le minisita e toe moomia nisi ta’iala fou faapea le toe faamamafa o faasalaga.
Puna o Faamatalaga: Benefit forecasts highlight need for tougher sanctions, government says | RNZ News
