Search

Toe maua meaai ma vaiinu I luga o faigamalaga a le Ea Niu Sila

O le aso ua toe maua ai meaai ma vaiinu I luga o vaalele a le kamupani vaalele a le Ea Niu Sila

O le toe fo’I o Aukilani I le laasaga o lapataiga numera tasi I le aoauli o le Aso Faraile talu ai, na faalauiloa mai ai ma le toe amatalia o lea auaunaga

O se faaiuga e tusa ma saunoaga a se tasi o le pulega I luga o ripoti a le Herald, na faia I lalo o taitaiga a le Matagaluega o le soifua maloloina, atoa ai ma finagalo faaalia a paaga e tusa ma lo latou moomia tele o le meaai mama ma le ipu kofe I taimi o faigamalaga

E ui la I le maua o meaai ma vaiinu, e le o suia ai le faamalosia ona faaaoga o lau tali fofoga poo le mask I taimi o faigamalaga

Ese mai I meaai, o loo tuu mai le saolotoga e mafai ai ona fetuunai suiga o aso ma taimi o faigamalaga e aunoa ma se totogi mo faigamalaga uma ua maea taofia e oo atu I le faaiuga o Iuni o le tausaga nei

O se avanoa e talitonu le kamupani o le a fesoasoani I le toatele na suia faavavave a latou faigamalaga I le suia o laasaga o lapataiga na toe sau  

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required