Ua toe maua le avanoa e nofo ai le alii talavou 18 tausaga i Niu Sila lea na faatonu e le Immigration o le a tipoti ona e overstayer.
O le mataupu lea na oo lava i luga i le minisita lagolago o le Immigration ma o lea na toe galue ai Chris Penk.
O le Aso Gafua o le vaiaso lenei sa tatau ona o ese atu ai Daman Kumar ma lona tinā e tusa ma tusi tipoti mai le Immigration a Niu Sila, e mafua lea ona o lea na soifua mai 6 masina mulimuli ane i le taimi ua sui ai le tulafono ma o lona uiga o lea lava na overstayer mai lava i le taimi na fanau mai ai.
O le tulafono lenei e soifua mai ua pasia e faato’ā agavaa le tamaitiiti i avanoa sitiseni pe afai o lea e sitiseni Niu Sila foi pe agavaa mātua i avanoa sitiseni Niu Sila, peitai e soifua mai o loo overstayer uma foi ona mātua.
E lē fou le tele o mataupu faapenei e faaoo atu i minisita mo lana faai’uga, ma i le mae’a ai o iloiloga e lē gata ua toe maua le avanoa mo Kumar ae o lea foi avanoa ua nofomau ai.
A o toe nofo ai le talavou i Niu Sila, e lē o iai se suiga mo ona mātua ma ona e lē o iai se visa e toe nonofo ai i Niu Sila, o lona uiga o le a tipoti pea.
Ae fai mai le faipule o le Green, Ricardo Menendez March o loo tu malosi mo le aiga, o le a faaauau pea ona finau ina ia nonofo faatasi lenei aiga.
Puna o Faamatalaga: Teenager Daman Kumar granted New Zealand residency, but parents ordered to leave | RNZ News
