Toe maua le avanoa e nofo ai i Niu Sila

E le taumate ua nao o le faafetai o se tasi alii Meleisia o loo aumau nei I niusila ina ua maua le tala ua tuuina atu nei iai se visa e nofo ai faaletulafono I totonu o niusila ile maea ai o lana finau ina ia toe suia le poloaiga na tuuina ia te ia e toe tipoti ese ai ma le atunuu.

O lea alii ua faaigoaina I le lipoti o BM ma ua atoa le 19 tausaga o nofo faasolitulafono I le atunuu mae faatolu ona maua ile avetaavale ona.Na oo mai I niusila faatoa 20 tausaga ole soifua ma tuuina loa iai se visa tafao mo le no le tolu masina.

Ina ua maea le visa sa aumau ai pea I le atunuu ma faaipoipo atu I se tagata nofomau I niusila ile 2016 mae toatasi le tama teine. Na amata saili galuega mai I lea taimi ma talosaga ai mo visa mo paaga poo le nofomau foi peitai e teena lava I taimi uma ona o ona moliaga o le avetaavale ona.

O lana finau mo le toe nofo ile atunuu e faapea o lona toalua o loo feagai ma mafatiaga o tulaga faale mafaufau mafua mai I le faaletonu o mataupu tau femalagaaina mo ia ma o le toe tipoti ese o ia ma le atunuu ole a tele se aafiaga le lelei mo lona toalua faapea foi lona afafine.

Na ia tuuina ane nisi o faamaoniga ua maea ona ia faia galuega mo le komiuniti ma nisi o polokalame e faatatau I le tetee atu I le avetaavale ona. Faia le faaiuga a le Immigration ma tuuina loa iai se visa faigaluega e 12 masina ina ia toe Mafuta ai ma lona aiga, o lona uiga o le a mafai foi ona toe talosaga mo lona nofomau. Ua atagia ai ii e ono iai lava se avanoa mo se faamama avega pe afai e toe faatulaga ma faaleleia le soifua o le tagata I ni tulaga tali faapea foi pei o lea alii Meleisia.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required