Tala fiafia ile toe maua o le teineititi 4 tausaga mai le itu I sisifo o Ausetalia o loo manuia. O Cleo Smith ua faamaonia mai e leoleo I lea faaitu ua toe maua nei ma o loo manuia ile maea ai o aso na tau sailia mai ai o ia talu le 16 o Oketopa.
Taua e leoleo na agai ese mai Cleo mai le faleie na camp ai lo latou aiga I Mcleod ma amata mai ai sailiga. Na oo ina ofo ane e leoleo se vaegatupe e miliona ausetalia mo ni faamatalaga e faatatau I lenei teineititi ma ua faailoa e leoleo o le suesuega na faia na osofaia ai e leoleo se fale I Carnarvon ma maua iai le teineititi.
O loo taua o le taimi na ulufale ai leoleo na fesiligia ai e se tasi malu o le malo le teineititi poo ai lona igoa ae tali ane o Cleo. Ua faailoa mai ua toe feiloai nei ma nai ona matua ma aiga. Ua faailoa mai foi e leoleo ua taofia nei ile latou vaavaaiga se alii mai Carnarvon mo le faia o suesuega. Pau le tulaga e faafetaia ai ua toe maua ma o loo ola ma manuia.
