Ua toe taunuu i fanua le tatou aulakapi tele le Manu Samoa, ma ua toe tapena i le taaloga ma Fiti i le Aso Toonai nei.
E iai nisi o le ‘au o loo aafia i ni manu’a e pei ona faailoa e le taitaimalaga o manu’a mitimiti, ma o le a faamalolo ai ma tapena mo le taaloga i le faaiuga o le vaiaso fou.
O faaletonu na tulai mai i le taaloga ma Iapani ua faaalia e le susuga Su’a Hesed Ieremia le taitaimalaga, ua silasila iai le faiaoga ma le pulega, ina ia lē toe tulai mai.
Se faatalanoiaga ma le taitaimalaga o le tatou Manu Samoa le susuga Su’a Hesed Ieremia.
O lea ua to’ai taunuu foi i laueleele o le Manu Samoa le ‘au a Fiti mo a latou sauniuniga i le taaloga o loo loma nei.
