Search
Photo: JASON DORDAY/STUFF

Toe foi vasega 11-13 I aoga, 26 o Oketopa

O le vaiaso mulimuli lenei e aooga atu ai I le fale fanau Aukilani o loo I vasega 11 seia oo I le 13

O lea ua aumai le faaiuga a le malo ma o le Aso Lua, aso 26 o Oketopa pe a uma le aso malolo o le Labour I le Aso Gafua a sau e toe foi ai e aooga I totonu o potuaoga

O lea ua 9 vaiaso o aooga atu pea I le fale fanau Aukilani ona o le Delta o loo pipisi I tua I le komiuniti

I le toe foi ai la I aoga, e tatau ona faaaoga ufi fofoga ma faamaumau nofoaga e asia, o faiaoga foi e tatau ona muai foi mai siaki o le Koviti e negative ae e le I toe a’e

O loo tumau pea le faatonuga e tatau ona oo atu I le aso 25 o le masina fou ua uma tui muamua o faiaoga, peitai o fanau nei I aoga maualuluga o loo mafai lava ona toe foi I le vaiaso fou tusa lava pe e le I faia tui

O vasega 1 seia oo I vasega 10 o loo tumau pea le aooga atu I le fale I le taimi nei, ona o le maualuga o le tulaga ono lamatia I le faamai ma o le toatele o I latou e le o agavaa mo le tui

I se tali mai a faiaoga o aoga maualuluga I le faasilasilaga na fofoga mai ananafi mo vasega 11 – 13 o loo I le lapataiga vaega tolu, e le o fiafia ai le asosi a le New Zealand Post Primary Teachers’ Association

Saunoaga a le peresetene I tala a le TV1, Melanie Webber, e le o iloa poo ai lea na taua e le minisita o aoga, Chris Hipkins sa talanoa ma le malo mo le faaiuga ua sau nei, aua e le I talanoa atu

E eseese lagona o faiaoga ma puleaoga na faasoa I tala a le TV1, ma o le toatele o loo malamalama I suega faaiu peitai e pei ua faatuatuanai ai o lea e malosi le Delta aemaise lava I Aukilani

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required