Ua toe faafoi lava i le pulega a le faigamalo a Niu Sa Uelese se tasi o falepuipui, le Parklea Correctional Centre i le itu i Matu i Sisifo o Sini pe a oo ia Oketopa 2026.
Fai mai le Premier, Chris Minns o le a tali tutusa lava le tau e faagaioia ai e le faigamalo le falepuipui ma le tau o le faamatuu atu e pulea e se private contractor e pei ona faia i le 15 tausaga talu ai.
O le MTC Australia lea o loo puleaina lea nofoaga i le taimi nei ma ua mae’a folafola e le Premier o le a tumau pea galuega a tagata o loo faigaluega ai i lea nofoaga e tusa lava poo ā fesuia’iga o le a faia.
O le lua ai lea o falepuipui ua toe faafoi ane i le malo le puleaina.
E manatu nisi e faigaluega i le auaunaga lea e lē taumate o le a lelei ai foi loa ma totogi o le aufaigaluega.
Ua talia lelei foi e le failautusi o le asosi o tagata faigaluega lautele lenei fuafuaga ma le faamoemoe o le a faaleleia atili ai totogi o tagata faigaluega.
Puna o Faamatalaga: https://www.google.com/amp/s/amp.abc.net.au/article/105000002
