Toe foi aoga i le aso 17 o Novema

O le Aso Lulu o le vaiaso a sau o le a toe foi uma ai fanau aoga o loo i lapataiga vaega tolu e aooga i totonu o potu aoga

E na o fanau Aukilani ma Waikato lea o loo aooga mai pea i le fale vasega 1 e oo i le 10

Mo vasega 9 i le 10 o lea o le a toe foi e aooga i le aso atoa, ae mo aoga tulaga lua e aofia ai vasega 1 seia oo i le 8, e le aso atoa ma o loo tatala mai e le malo le saolotoga i pulega o aoga e faavasega ai pe faafefea ona tupu

O le talosaga mai le malo i aoga, ia taumafai e limiti pe faatapulaa le fuainumera o fanau i aoga, ma e mafai lea ona vaavaai I itu e pei o le afa aso, faaeseese aso e auauai atu ai fanau i aoga poo le faia foi o ni kulupu

O se faaiuga ua tuu mai ai le aso faasolo atu i le Aso Lua o le vaiaso fou e fetuunai ai e pulega o aoga ma matua le faasoasoaina

Maua e tala fou e iai nisi o aoga tulaga lua faapea ai ma kolisi maualuluga o lea ua maea talafo imeli i matua o le a le toe foi mai fanau i aoga, ma o le a faia lava foi suega ma sauniga mulimuli online e faauma ai aoga o lenei tausaga

O lea pe a ma le toe tasi le masina uma lenei tausaga faaleaoaoga

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required