Pa’u Dr.Roy Ausage

Toe faaui i tua le tagi a Pa’u Roy Ausage

O le taeao nei lea faamaonia mai ai le faaui ai i tua o le tagi a Pa’u Dr.Roy Ausage lea na faia faasaga i le sui manumalo a le Itumalo a Falelatai ma Samatau le afioga ia Tologata Tile Lei’a Tuimalealiifano.

O le afioga ia Tologata na finau mai i lalo o le vaega faaupufai a le HRPP ma na manino lona manumalo i palota e 1008 na ia mauaina, tulaga lua ai Pa’u Roy Ausage i palota e 851.

E 3 moliaga o faatosina o faigapalota na tuuaia ai e Pau le sui filifilia ma o le asō lea na toe tolopo mai ai lenei mataupu e faaauau le iloiloina peitai o le a ua sui le manatu o Pa’u ma manao ai e faaui i tua lana tagi.

O lea ua tuuina mai e le faamasinoga aso e 7 e faasalalau ai lea maliega ona toe valaau ai lea i le faamasinoga mo le aloaia o le faaui ai tua o le tagi a Pa’u.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required