Toe faatulaga malaga i Samoa

Toe faatulaga mai faigamalaga agai i Samoa mole toe faafoiina atu o tagatanuu o si o tatou atunuu o loo poloka i atunuu i fafo pei o Niu Sila ma Ausetalia.

Faailoa i tala mai le RNZ Pacific ua toe faatulaga ia faigamalaga ma o le a amata ile ogatotonu o le masina fou o Novema agai atu ia Tesema.

O loo taua i le lipoti ole tali ane lea a le malo i se talosaga mai le National Emergency Operation Centre lea o loo feagai ma le vaavaaia ma le tuufaatasia o faigamalaga atu ile atunuu. O faigamalaga la e pei ona toe fetuunai sa faatulaga mo le tolu vaiaso o lumanai ai.

E le o po se lilo ile atunuu ile toatele o tagata Samoa o loo talitali mo avanoa i nei faigamalaga i ausetalia ma niusila ae o loo tumau pea le tuualalo a nisi faapea foi ma finagalo faaalia o isi i popolega i le faaauau ona auina atu pea o malaga i Samoa ona o lamatiaga o soifua mai le faamai aemaise le mataupu na lei leva nei ona lipotia mai ai le sola i tua o se tasi sa malaga atu ma faanofoesea i le atunuu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required