Ua moomia suiga, ma ua moomia foi le Palemia ma le malo se’i faia se faai’uga i gaoi o loo faaaogāina taavale e faaleaga ai faleoloa.
O le vaveao o le Aso Toonai faato’ā uma atu na osofa’ia ma faaleagaina ai le Liquorland i Mt Wellington i Aukilani, ma i ata video ua toe salalau o loo maua ai le matua’i faaleagaina o totonu o le faleoloa.
Mai le alii pule Andrew Barr e tusa ma le 30 minutes lea na iai i totonu o le faleoloa le au gaoi.
Ua toe talosaga ai Barr i le malo e faia se faai’uga i tagata o loo faia pea lenei lē alofa, aemaise lava i Aukilani o loo lē misi i le vaiaso.
Faaalia ai foi e le alii pule, o le faigata o osofa’iga nei ona o le tele o auupega o loo latou faaaogāina, ma e fai o le alofa i le pisinisi ae o le manumanu foi i le soifua ma e pei ua avea lea ma avanoa ua tafili saunoa ai i latou nei a o lea lava e leai se mea o faia iai.
Ta’ua e Barr ua ia moomia vave se fesoasoani a le tamaitai Palemia, Jacinda Ardern ma ua ia valaau ai faapitoa i le ta’ita’i o le atunuu seia faia se faai’uga talafeagai e faasala ai i latou nei.