Search
Search
Photo Credit: 1News

Toe faatali mo le isi tausaga e maua ai le tali o fale na faaleagaina i lologa

Ua toe faaopoopo le isi tausaga e faaauau ai pea ona maua le fesoasoani tupe e totogi ai fale o i latou na aveesea faamalosi mai o latou fale ona o lologa i Aukilani faapea le afā o Gabrielle i le tausaga talu ai.

O accommodation assistance nei na tuu e uma i le faaiuga o le masina lenei, peitai o lea ua toe faaopoopo le isi tausaga e faaauau ai pea ona maua a o taumafai tagata e ana fale e toe fau poo le faatali foi i le faaiuga pe mafai ona toe fau pe leai.

O lea ua savali le lua tausaga talu ona uma lologa ma le afā ma e tusa ma le tasi afe fale o aiga i Aukilani o lea lava e faatali se tala mautinoa pe agavaa i le faiga lea e faatau ai e le malo ma le puleganuu.

E iai nisi o aiga aafia e lē o faigofie le totogi o fale ua faaleagaina lea e lē o toe nofoia ma e ese fale o loo nonofo ai i le taimi nei e tau ina faamautu ai.

O le faaiuga foi o le masina lea na faapea e oo mai ai ua iloa le tonu o iloiloga a le puleganuu a Aukilani i fale nei na faaleagaina, peitai o lea ua toe tuu atu i le tausaga fou.

Ua molimau ai nisi i tala a le 1News, ua umi tele le toe onosai atu ia Iuni o le 2025 ma ua lagona ai le faanoanoa, a tuu mai foi i le fesoasoani lea o loo maua mai le malo e tauala mai accommodation assistance, o se tala fiafia le toe faaumiumi o le taimi e maua ai peitai e lē o mafai ona totogi uma ai peimeni o  fale.

Puna o Faamatalaga: Owners of flood-damaged homes to wait until 2025 for buyout news (1news.co.nz)

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required