O se tala fiafia i tagata faitogalaau ‘aina lea e totōina tamato, le toe talia e Ausetalia o tamato e faatau atu a Niu Sila.

O le masina o Aperila o le 2021 lea na taofia ai lenei maketi i le va o atunuu e lua ina ua aafia i le vairusi ma talu lea taimi o lea lava na galulue le matagaluega a le Primary Industries ma le TomatoesNZ ia toe tatala le maketi i Ausetalia.

I faamaumauga o le tausaga mulimuli na maketi atu ai ia Ausetalia tamato a Niu Sila i le 2020 e silia ma le 600,000kg tamato felesi na mafai ona faatau atu iai ma i lea taimi o Ausetalia le maketi lona lua i le lisi a Niu Sila a o malosi le maketi i Hong Kong, lea na alu ai le tusa ma le 1.4 miliona kilokalama.

Peitai o lea ua fai si pa’ū o le maketi i Hong Kong ma o lona uiga o le toe talia e Ausetalia o tamato mai Niu Sila e ono avea lea ma maketi tele mo tamato faatau atu i fafo.

O le toe tatala ai o le maketi i Ausetalia ua fetaui lelei ma le fuata o loma mai le masina o Novema faasolo atu ia Mati.

Puna o Faamatalaga: Good news for NZ tomato growers as Australian exports return (1news.co.nz)