Search
Photo Credit: RNZ

Toe faaopoopo le isi aso e faaauau ai feutanaiga i le va o Isaraelu ma le Hamas

Ua toe malilie Isaraelu ma Hamas e faaopoopo le isi aso e tasi e taofia ai pomu a o feutagai pea le fesuiai o tagata Isaraelu ma pagota Palesitina.

O maliega nei o lea ua fitu ai i le asō aso talu ona leai se vevesi, ma e le gata la o tagata ua toe faafoi ae o le tele o le uta meaai ma isi sapalai o lea ua alu i Gaza.

O ananafi lea sa tatau ona faagata ai, peitai i se pepa o faamatalaga mai le militeli a Isaraelu i le toe sefulu minute tapunia, o lea ua toe faaopoopo le isi aso e tasi.

E 16 isi tagata Isaraelu na ave faamalosi e le Hamas o lea na faafoi mai ananafi, ae faasaoloto mai e Isaraelu le 30 pagota Palesitina.

E oo mai i le asō e tusa ma faamatalaga mai le militeli a Isaraelu, e 97 tagata Isaraelu toe faafoi mai, ma e tusa ma le 145 lea lava o loo iai i Gaza.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required