Search
Photo by Ministry of Education Sports and Culture Samoa

Toe faamanatu le tāua o le faaaogā lelei o le gagana Samoa

A o tau faaiuiu ai le Faamanatuga o le vaiaso o le Gagana Samoa o le aso ananafi na maua ai le avanoa e saunoa ai le Faatonu o le Laumua o Suesuega o Mataupu Tau Samoa ia Ta’iao Matiu Dr Matavai Tautunu i le autu o le aafiaga o le Gagana i faasalalauga.

Sa faataunuuina lea faamoemoe i le nofoaga o tu ma aganuu a Samoa i Malifa.

O autu o mafaufauga o le failauga na tatala mai ai aafiaga e ala i le sese ona faaaogā e le aufaasalalau o le Gagana ma ia ta’ua ai e lelei ona saili avanoa e aoaoina mai ai mai le Iunivesite o Samoa i Vaivase i le mataupu lenei.

Na faailoa e Ta’iao vaega aoao tetele na ia faamaumauina o loo lape ai le auaunaga a le aufaasalalau e pei o faasalalauga faapisinisi, o faaaliga faalauaitele, o le Gagana lea ua ta’ua o le Gagana eva e foliga mai e faamālie ai se polokalame ma ia maimoina e le toatele ae o loo faia lea ma itu o loo aafia ai la tatou Gagana o se itu na ia ta’ua ai pea i lana lauga le aafiaga o lea sese ua aoaoina ai fanau o le lumanai ma o le a lē toe mafai ona foia.

Peitai sa faaleo foi i lagona o nisi o sui sinia o le aufaasalalau ma ta’ua ai itu nei o le faasalalauga faapisinisi o le kamupani o loo gafa ma le faaupuina e faapena foi i faasilasilaga faalauaitele o loo tele ina tusi atu e Matagaluega ma Faalapotopotoga ma e Faigata tele i le aufaasalalau ona faia ni suiga peitai o loo faatino ai e faatonu o polokalame le galuega i le taimi e vaaia ai se faaletonu lea pe a oo atu nei faasilasilaga.

Sa aunoa foi le Komesina o le Komisi o le Gagana Samoa le Susuga ia Vaiao Eteuati ma ua loa tausaga o loo taumafai pea ina ia faatāua la tatou gagana aemaise ai o le silafia lelei o ona vaega uma ina ia sa’o tonu le Gagana Samoa e faaaogāina.

Sa saunoa foi nisi o sui e le mafai ona faia nei suiga pe afai o nei tulaga uma i faaslalauga ua faamuamua lava le gagana Peretania ma o i tonu foi lea ua amata ai ona lē mamafa le faatāua a lo tatou atunuu i le gagana Samoa.

Saunoa Eteuati ua mae’a faia le tusi ua iai le silia i le 1000 upu o loo tusia ai lo latou faaleoga sa’o ma taga tutusa ai ma la ta gagana ma o le a tufatufaina i ofisa faasalalau mo la latou galuega.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required