O se faigamalaga a le Qantas sa fuafua mo Niu Sila ua faamalosia le toe foi mai i Sini ae lei leva ona aga’i ese ona o lipoti o le asu o loo alu ane mai le Cabin poo le vaega e nonofo ai le pasese i luga o le vaalele.
O le faigamalaga QF163 na aga’i ese ma Sini i le te’a o le ‘afa o le 6 i le afiafi ananafi e aga’i mo Ueligitone, peitai fai mai pe ā ma le itula talu ona i le ea le vaalele ae toe faafoi mai ona o lipoti o asu ua vaaia i le pito i tua o le cabin o le vaalele.
E 144 le pasese sa i luga o le vaa ma sa tulaueleele saogalemu i Sini i le tolu itula mulimuli ane.
To’alua tagata na faia iai togafitiga ma o loo faatalia pea e le aufaasalalau se faamatalaga mai le Qantas e tusa o lea mataupu.
Puna o Faamatalaga: https://www.9news.com.au/national/qantas-flight-from-sydney-forced-to-turn-back-due-to-fumes-in-cabin/6d9a83b2-ed93-4a56-9bce-b8bcb300cf19
