E lē o toe mamao uma le faamāmā avega o le tau o pasese o tagata feoai i Ueligitone.
O tagata Ueligitone lea o loo manuia pea i le na o le ‘afa o le tau e totogi mo pasese o tagata e faaaogāina femalagaa’iga lautele, faatusatusa i isi uma vaega o Niu Sila.
O le faaumiumi ona taugofie pea o pasese o tagata Ueligitone e tusa ma faamatalaga mai le Council, na mafua lea i le faaletonu o le system peitai o lea ua faaleleia nei ma o lea o le a amata ai loa mai le aso muamua o Setema.
O se faamaoniga mai le Council o le vaiaso fou o le a amata agavaa ai tagata Ueligitone e lesitala a latou Snapper cards ma faasauni ai loa i le faiga o le a toe foi ai le tau o pasese e totogi i le tau masani.
