Ua ofoina se siitaga i totogi o leoleo i Niu Sa Uelese i le mae’a o se taumafaiga malosi mai le latou iuni ma ua atili ai ona faamalosia le finau atu foi a tausi soifua mo o latou totogi ua folafola ai ma nisi solo tetee faaopoopo i le vaiaso nei.
Ua saunoa ai se sui mai le NSW Nurses and Midwives Association le NMWA ma ua o latou faailoa o lea ua ofo e le malo i leoleo le siitaga i o latou totogi ae teena le talosaga a tausi soifua faamauina mo le na o le 15 pasene e siitia ai o latou totogi.
O le pule o le Iuni o loo fesoasoani i lea auaunaga, Shaye Candish ua ia faailoa ua matua lē fiafia lava sui o le faalapotopotoga aemaise e le’i maluelue lava le malo i le na o le 3 pasene o le siitaga sa ofo ane i le taimi ua sola aemaise le taliaina e sui o le faalapotopotoga o soo se ituaiga faatinoga o totogi pe afai ae siitia.
Fai mai le Premier o NSW, Chris Minns e lē mafai ona ia toe talosaga i le ‘autotogi lafoga e faaopoopo isi lafoga totogi.
Fai mai la le iuni o tausi soifua o le a savavali ese ma galuega i le aso a taeao mo se solo tetee e 24 itula.
Puna Faamatalaga: https://www.9news.com.au/national/state-politics-nsw-police-payrise-nurses/15024aa6-f47b-4ab5-babc-5731e610425b
